በወላይታ ሶዶ ከተማ በደረሰ የእሳት አደጋ ከ1 ሚሊየን ብር በላይ የሚገመት ንብረት ወደመ

በወላይታ ሶዶ ከተማ በተለምዶ መርካቶ እየተባለ በሚጠራ የገበያ ስፍራ በደረሰ የእሳት አደጋ በንብረት ላይ ጉዳት ደረሰ፡፡ በወላይታ ሶዶ ከተማ በተለምዶ መርካቶ እየተባለ በሚጠራ የገበያ ስፍራ ላይ ትናንት ከሌሊቱ 10፡00 ሰዓት በደረሰ ድንገተኛ የእሳት አደጋ ከ1 ሚሊየን ብር በላይ የሚገመት ንብረት መውደሙን የከተማው ፖሊስ አስታውቋል።

የወላይታ ሶደ ከተማ አስተዳደር ፖሊስ ጽህፈት ቤት አዛዥ ኢንስፔክተር አሸናፊ አዲሱ የአደጋዉ ጥሪ በስፍራው በጥበቃ ሥራ ላይ በነበሩ ግለሰቦች በኩል ከሌሊቱ 10፡00 ሰዓት አካባቢ ለፖሊስ መድረሱን ገልጸዋል።

ጥሪዉ ከደረሰ በኋላ ሙሉ የፖሊስ አባላትና ድንገተኛ የእሳትና አደጋ መከላከል ቡድን ከሕብረተሰቡ ጋር ባደረገው ርብርብ እሳቱ የከፋ አደጋ ሳያደርስ በቁጥጥር ስር ሊዉል መቻሉን ተናግረዋል።

በተከሰተው የእሳት አደጋ በሰው ህይወት ላይ የደረሰ ጉዳት ባይኖርም 34 ሱቆች ከፍተኛ ጉዳት እንዲሁም 12 ሱቆች መጠነኛ ጉዳት ደርሶባቸዋል።
ምንጭ ፡FBC

Leave a Reply

Your email address will not be published. Required fields are marked *